為何有人話素描好鬼悶？
首先，顏色光暗並不會即時看見效果，對於我們讀書到現在社會工作所有嘢都講求效率及即時的成效，往往對於觀察及當下過程一掠而過，所以好多人聽到素描並不能一堂內完成便會開始卻步，而素描所表達的最深層次並不是講求速度或超寫實的表達。
冇錯簡單來講成個過程就係要觀察！要觀察邊個光啲邊個暗啲，要觀察邊個曲線同邊個曲線有唔同，要觀察眼睛鼻哥嘴巴嘅距離等等..所有觀察也需要放慢認真觀察！
很多時畫畫同做人也一樣我以為咁咁咁，我以為咁咁咁，成件事就只有自己以為是的，究竟我們對雲朵對樹木對石頭熟悉嗎？這基本上這些東西由出世到現在每天也會看見或每天也會接觸，但係如果你攞起一支筆而家幫我畫佢出嚟，你會發現「弊傢伙！即係點？？？」
冇錯答案即係「我以為」，我以為係咁咁咁..所以畫出嚟係咁咁咁..最終得啖笑。
每位同學學習素描嘅過程首先要學懂改正（即係用擦膠）錯就改，從不斷錯誤中修正，然後再觀察，再觀察，看多一些圖片細節看多一些別人的作品，只要比別人睇多一倍，只係多一倍，把以為變為知道不屈不撓，你的造詣你的審視美觀必定提升！
所以可以明白有些同學年紀輕輕就已經俾你睇多一倍，能夠畫出震撼視覺效果的作品，原因就係願意真係放慢觀察並堅持練習。
請緊記：「學習素描並不可怕，最可怕係口頭禪我以為係咁咁咁..」
Bernard Wong 2022